Siglir tar il cuntegn

Svizra Pli paucs han traversà illegalmain il cunfin

L’emprima mesadad da l’onn èn las traversadas dal cunfin illegalas sa reducidas marcantamain.

Purtret d'in cunfin.
Legenda: Al cunfin èn prest in terz pli paucas persunas vegnidas illegal sur il cunfin. Keystone

Las guardias da cunfin hajan dumbrà dal schaner fin il zercladur 9'050 traversadas illegalas. L’onn avant eran quai anc passa 14'000. Quai communitgescha l’Administraziun federala da duana.

Radund la mesadad da las persunas che sajan arrivadas illegalas, sajan vegnidas tramessas enavos ad autoritads da l'exteriur. Ils pli blers cas hajan ins registrà en il Tessin.

Tar radund 200 cas hajan ins supponì activitads da deportaders, scriva l'Administraziun federala da duana. L'onn avant eran quai anc 185 cas.

RR novitads 14:00