Pervi da las mesiras da corona, stettia la glieud pli savens a chasa. Sin laders haja quai l'effect, ch'i rumpian en pli pauc. Cifras dal chantun Turgovia confermian quai. Là stoppia la polizia, tenor atgnas indicaziuns, anc ir mez uschè savens ad investigar infracziuns. Da Berna haja gì num ch'i dettia ina tendenza leva che mussia engiu. Er ulteriuras polizias hajan annunzià ch'il dumber giaja enavos.
Ch'i dettia pli paucas infracziuns, haja dentant betg chaschunà che la polizia haja da far pli pauc. La lavur saja sa midada – da metter tras las mesiras da corona haja survegnì gronda prioritad en cumparegliaziun cun auters delicts.