Siglir tar il cuntegn

Svizra Pli severas sancziuns cunter la Corea dal Nord

Il Cussegl federal ha decidì da schlargiar las sancziuns cunter la Corea dal Nord. Tranter auter vegn il commerzi limità anc pli fitg e la spina da daners serrada.

il dictatur Kim Jong Un
Legenda: En il rom d'ina resoluziun da l'ONU ha er la Svizra decidì da schlargiar las sancziuns cunter il reschim da Kim Jong-un. Keystone

Las sancziuns en il sectur da las finanzas valan per ulteriuras persunas sco i ha num en ina communicaziun. Daners che han ina colliaziun cun programs nuclears e da rachetas da la Corea dal Nord èn bloccads. Burghais dal pajais na d'astgan er betg frequentar studis da phisica pli auta, da simulaziun da computer avanzada e da tecnica nucleara.

Plinavant vegnan uss tut las spediziuns da e vers la Corea dal Nord controlladas dal dazi. Cun questa decisiun realisescha il Cussegl fedreal ina resoluziun dal Cussegl da segirezza da l'ONU.

RR novitads 20:00