Il pledader da la SBB, Ramon Gander ha confermà a l'agentura da novitads Keystone-SDA, ch'ils vaguns duan star a disposiziun per exempel per transports da fans per gieus da ballape. Tar ils vaguns sa tracti dad Intercitys vegls che vegnan renovads.
Ils vaguns da fans èn climatisads. Er gia uss èsi scumandà da bittar insatge or da las fanestras, ma cun ils vaguns vegn quai fatg impussibel, perquai ch'i n'è lura betg pli pussaivel d'avrir las fanestras. Plinavant survegnan ils vaguns in palantschieu da linoleum empè d'in teppi. Er bischlas da contact vegnan a star a disposiziun.
Davat ils custs per sanar ils vaguns, n'ha la SBB fatg naginas indicaziuns. La fasa da construcziun haja gia cumenzà, e duai cuzzar fin il 2022.