Quella nova cunvegna meglierescha las pussaivladads per exercizis communabels en il spazi d'aria ed en la defensiun cunter attatgas da cyber. Il medem mument reglescha la cunvegna er exercizis autonoms en il spazi alpin en las regiuns da cunfin, ha la regenza annunzià. Quests exercizis dastgan dentant vegnir realisads sulet senza armas u cun dumandar il permis dal stadi ospitant. Per la Svizra ha il minister da defensiun Guy Parmelin suttascrit la cunvegna. Quella va en vigur, cu er il parlament franzos dat sia suatientscha.
Nagina collavuraziun tar operaziuns militaras
Er da collavurar tar operaziuns militaras na saja explicitamain betg planisà, accentuescha il Cussegl federal. La nova cunvegna remplazza quella dal 2003. Quella na correspundia betg pli als standards d'ozendi, uschia il Cussegl federal.
Sper la Frantscha tutgan la Germania e l'Austria tar ils impurtants partenaris da cooperaziun da l'armada svizra.
RR novitads 12:00