Siglir tar il cuntegn

Header

cuntegn

Plievgia ferma La plievgia en il Tessin lascha puspè crescher ils livels da lais

En Svizra hai pluvì ferm la notg da sonda sin dumengia. En Svizra tudestga hai dà tut tenor tranter 30 fin 70 liters per meter quadrat. Sin il Monte Generoso en il Tessin hai dà 63 liters.

En la Lombardia che cunfinescha cun la Svizra è la plievgia stada anc pli ferma, cun fin a 120 liters, sco il servetsch d'aura Meteocentrale ha communitgà dumengia bun'ura. A Bad Ragaz en il Son Gagl hai dà 60 liters entaifer 24 uras. Sin il Hörnli, en il chantun turitg hai dà 55 liters, a Hinwil 50.

En Svizra tudestga hai dà tranter 30 fin 70 liters. Pervi dals urizis è la plievgia stada repartida fitg irregulara. Da la vart dal nord da las alps hai dà il pli bler sin la Schönegg sin 570 meters sur mar en il chantun Zug, cun 70 liters.

Total hai dà fin ier summas da record durant il fanadur. A Visp en il Vallais hai dà 99 liters, a Robièi en il Tessin hai dà 593 liters. Tenor Meteonews po la ferma plevgia puspè laschar s'auzar ils livels dals lais.

Er oz quintan ils meteorologs cun plievgia. Il mender saja dentant passà, scriva SRF Meteo. En il vest ed il sid vegnia a dar il di ora fasas suleglivas. La saira duessi lura dar be pli singuls guts. Las temperauras sa movan tranter 15 e 20 grads en il nord, e fin a 24 en il sid.

RTR novitads 11:00;

Artitgels legids il pli savens

Scrollar a sanestra Scrollar a dretga