Da principi fiss mintga viagiaturA sez responsablA per il viadi da return. Perquai appellescha Hans-Perter Lenz er all'atgna responsabladad. Anc giaja quai da turnar, ma i vegnia adina pli grev.
Las bleras dumondas d'agid vegnian da Svizzers e Svizras ch'èn en l'Egipta, la Republica Dominicana e sin las Filipinas. In dretg per agid da returnar davart da la Confederaziun na dettia quai betg.
Cussegl federal schlargia il scumond d'entrar
Il Cussegl federal ha schlargià il scumond d'entrar en Svizra sin la Spagna. Enfin ussa valeva il scumond, cun excepziuns mo per l'Italia, la Frantscha, la Germania e l'Austria. Cun questa mesira duai vegnir rinforzada la protecziun da la populaziun en connex cun il coronavirus, ha communitgà il Cussegl federal.
Il scumond d'entrar en Svizra vala ultra da quai a partir dad immediat era per il traffic aviatic or da quests tschintg pajas e tut ils stadis che na fan betg part da Schengen.