Siglir tar il cuntegn

Header

video
Lara Stoll gudogna il «Salzburger Stier»
Or da Kultur Webvideos dals 11.11.2020.
laschar ir
cuntegn

Poeta da slam Lara Stoll survegn il Salzburger Stier 2021

La poeta da slam svizra, cineasta ed autura Lara Stoll vegn onurada cun il premi da cabaret Salzburger Stier 2021. La cabarettista da Schaffusa ha 33 onns ed è dapi il 2005 sin las tribunas sco poeta da slam.

Vitiers ha la giuria er onurà il cabarettist, Joachim Rittmeyer, cun il «Ehrenstier» per sia activitad da plirs onns. Dapi il 1974 sa preschenta Rittmeyer regularmain. En la televisiun svizra ha el era gì in agen program.

Il premi vegn surdà dals chanals da radio publics da la Germania, Austria, Svizra e Tirol dal Sid. Ils premis èn dotads cun mintgamai 6'000 euros. Planisà èsi da surdar il premi ils 8 da matg 2021 a Karlsruhe.

RTR novitads 06:00

Artitgels legids il pli savens

Scrollar a sanestra Scrollar a dretga