Siglir tar il cuntegn

Header

Mauns sin la tastatura d'in laptop
Legenda: Cun in’identitad inventada pon policists persequitar mulestaders d’uffants en l’internet. Keystone
cuntegn

Svizra Policist dastga sa dar ora sco mattatscha

Ch'in policist turitgais è sa dà ora en in chat dal internet sco mattatscha da 14 onns ed uschia entrà en contact cun in um, è lubì.

Tenor ina sentenzia dal Tribunal federal sa tracti qua d'ina investigaziun zuppada, e betg d'ina retschertga zuppada. E per endrizzar in account da chat ed inventar vegliadetgna, schlatta e parita na dovri betg l’emprim ina lubientscha da la dretgira per mesiras repressivas.

Las scuvertas fatgas en il chat ed ils mussaments acquistads uschia, po la procura publica perquai duvrar en la procedura cunter l'um. Cunter quel vegn eruì pervi d'avair empruvà da vegnir en contact sexual cun in uffant.

La Dretgira superiura dal chantun Turitg sto uss sa fatschentar anc ina giada cun il cas.

RR novitads 16:00

Artitgels legids il pli savens

Scrollar a sanestra Scrollar a dretga