Siglir tar il cuntegn

Header

cuntegn

Politica agrara 2022 Purs duain far dapli per la protecziun da la natira

Ils purs svizzers duain survegnir uschè blers daners sco fin qua, però ademplir dapli prescripziuns. Quai è la direcziun da la politica agrara a partir dal 2022 ch'il Cussegl federal ha publitgà gievgia.

Novas prescripziuns datti tranter auter tar la protecziun da la natira. Uschia duai per exempel be pli dar subvenziuns per purs che desistan da pesticids cun ina ristga augmentada per l'ambient. Uschia duain els per exempel reducir il diever da nitrogen e fosfor fin il 2030 per 20%.

Ultra da quai vegn dà paisa al bainstar dals animals, il svilup dal manaschi, creaziun da valur sin il martgà e la segirtad sociala. En futur duain conjugals che lavuran ensemen sin in manaschi puril avair in'assicuranza sociala obligatorica.

Subvenziuns da var 13,8 milliardas francs

Dal 2022 fin il 2025 duain ils purs survegnir subvenziuns da radund 13,8 milliardas francs. Perquai ch'i dat dentant mintg'onn damain manaschis datti dapli daners per ils singuls manaschis. Il parlament tracta la fatschenta en il decurs da quest onn.

Era ina schanza per purs gischuns

La nova politica agrara 2022+ saja plitost ina schanza ch’in privel, manegia Thomas Roffler. Il president da l'Uniun purila grischuna beneventa tranter auter ch'il Cussegl federal vul proteger meglier la partenaria ni il partenari che lavura sin manaschi agricul. Quai en cas da mortori, invaliditad ni era divorzi.

Critic vesa el las novas prescripziuns per la scolaziun e furmaziun da futuras puras e purs. Qua vul il Cussegl federal mo lura dar pajaments directs sche quels che surprendan da nov in manaschi puril possedan almain in attestat federal da qualificaziun ed han frequentà la scolaziun d'economia da manaschi.

Ch'i dovria ina scolaziun fundada, da quai maini è era Thomas Roffler. Las pretensiuns na dastgian dentant betg esser memia strictas. Era persunas che vegnian d'autras clamadas stoppian avair ina perspectiva.

Ord l'archiv

Silvana Casaulta è ina giuvna da 26 onns. Ella lavura sco pura sin ses manaschi a Lumbrein.

Video
Pura surura
Or da Battaporta dals 24.03.2016.
laschar ir

RTR novitads 14:00

Dapli da Svizraavrir la Landingpage

Nach links scrollen Nach rechts scrollen