Per evitar stretgas en il sectur d’asil mettan ils chantuns a disposiziun 1800 plazs da reserva. Quai communitgescha l’Uffizi federal per la migraziun. Suenter in inscunter tranter la Confederaziun, ils chantuns, citads e vischnancas, ha la cussegliera federala Elisabeth Baume-Schneider prendì ina posiziun optimistica davant las medias.
Quintà vegn cun 28'000 dumondas d’asil per l’on 2023 – dapliras èn dentant probablas. Tiers vegnan anc 20'000 fin 23'000 persunas da l'Ucraina cun il status S. Perquai ha l’Uffizi federal da migraziun dumandà ils chantuns per dapli plazzas. Dals 1'800 plazs dapli che pon vegnir mess a disposiziun pon radund 600 vegnir mess en funcziun quasi per immediat. Ils ulterius plazs èn anc en scleriment final.