Siglir tar il cuntegn
Maun d'ina dunna pli veglia.
Legenda: Che la populaziun vegn adina pli veglia pretenda diversas mesiras da las vischnancas. Keystone

Politica da vegliadetgna La populaziun pli veglia pretenda mesiras da las vischnancas

Che la populaziun svizra vegn adina pli veglia, pretenda mesiras da las vischnancas. Basegn d'agir datti surtut en ils secturs d'abitar, dal traffic public e da la tgira. Quai resulta d'in studi che gfs.berna ha fatg ensemen cun las Academias svizras da las scienzas, l'Associaziun da las vischnancas svizras e l'Uniun da las citads svizras.

Pli che ina mesadad da las vischnancas haja er gia in post per la politica da vegliadetgna u almain ina persuna responsabla. En il center da las stentas da las vischnancas stettia il mument per gronda part la tgira e l'integraziun sociala. Anc grond spazi d'agir avessan las vischnancas tenor il studi dentant tar las purschidas d'abitar sco er tar l'agid per duvrar ils meds da traffic public e l'agid en dumondas da sanadad.

RTR novitads 12:00

Artitgels legids il pli savens