La Svizra haja da basegn d'ina cura da vitalisaziun, pretendan pliras organisaziuns da l'economia. Ensemen han Economiesuisse, la federaziun dals patruns e l'uniun d'artisanadi e mastergn, fixà in'agenda per la politica economica. I va per il temp suenter la pandemia. Pliras incumbensas sajan da prender per mauns, uschiglio perdia il pajais l'access ad in mund che sa sviluppa svelt.
Nair basegn d'agir vesan ils patruns tar l'AVS e la prevenziun professiunala. Per Economiesuisse è la persistenza in indicatur impurtant, dentant cun resguardar ils effects per l'economia e la societad. L'uniun d'artisanadi e mastergn la finala vul reducir la regulaziun.