Siglir tar il cuntegn

Svizra Polizia a Hamburg ha era arrestà persunas svizras

La polizia a Hamburg ha per l’emprima giada confermà ch’ella haja arrestà nov persunas ord la Svizra: Totalmain èn tschintg persunas vegnidas arrestadas e quatter ulteriuras persunas ha la polizia prendì a ferm.

La polizia da Hambug durant las demonstraziun.
Legenda: La polizia a Hambug ha confermà ch'era persunas ord la Svizra èn vegnidas arrestadas. Keystone

Per tge delict che las persunas ston sa responsar n’ha la polizia betg communitgà. Era betg cler è sche persunas svizras sa chattan anc en arrest d’inquisiziun. En tut ha la polizia arrestà temporarmain sur quests dis 186 persunas e 225 persunas ha ella prendì a ferm. Tenor indicaziuns da la polizia ha quai dà 37 cumonds d’arrest en connex cun randalissem.

Suenter ils grevs cravals en la citad da Hamburg ed ils gronds donns tras demonstrants èn tut stgars 500 policists vegnids blessads.

RR novitads 14:00