Siglir tar il cuntegn

Header

Navigaziun

Purtret dal cunfin ad Au en il chantun Son Gagl
Legenda: Keystone
cuntegn

Svizra Polizia da Son Gagl ha franà camiun cun defects severs

In camiun cun rauba privlusa aveva tals defects che la polizia dal chantun Son Gagl n'ha betg laschà charrar vinavant quel il mardi. Il camiun oriund da la Pologna aveva chargià 18 tonnas acid d'aschieu – ina substanza privlusa che po brischar.

Il schassis dal camiun aveva sfessas e las rudellas dal frain eran stgarpadas dal tut. Cun agid da la polizia e da pumpiers è il camiun vegnì charrà a Thal. Ier è l'acid d'aschieu lura vegnì pumpà en in auter camiun-cisterna. Perquai ch'i sa tracta d'ina substanza uschè privlusa han experts da chemia stuì vegnir clamads. Pir lura han ils pumpiers pudì pumpar enturn la substanza.

Avant che pudair pinar il camiun, sto el vegnir schubregià per ch'i na dettia nagins gas nuschaivels. Il manischunz ha stuì pajar in deposit da multa da 1'500 francs. L'acziun da pumpiers ha custà 1'000 francs.

RR novitads 14:00