Curt suenter las 14:00 ha ina gruppa da radund 130 persunas cumenzà a marschar da la staziun en direcziun Hirschengraben. Suenter intginas minutas ha la polizia circumdà il cortegi. Latiers ha la polizia duvrà ballins da gumma cura ch'ils demonstrants han empruvà da rumper tras la chadaina da policists.
In segund til da demonstraziun è sa mess en moviment en in’autra direcziun. Era quest til ha la polizia circumdà. Gia avant in'emna aveva la polizia impedì ina demonstraziun antifaschistica a Berna.
RR novitads 17.00