La mesadad da las antennas per la rait da func da glisch blaua Polycom è midada sin il sistem nov. L'Uffizi federal da la protecziun da la populaziun ha activà oz la 391avla da 782 antennas. Quell'antenna stat a Son Gagl.
Rait che funcziuna er senza forza electrica
Polycom è ina rait da func d'auta segirtad per la communicaziun tranter la polizia, ils pumpiers, la sanitad, il servetsch civil, l'Uffizi federal da duana e segirtad da cunfin sco era per il mantegniment da las vias naziunalas ed ils gestiunaris d'infrastructura critica en Svizra. Ella è construida uschia ch'ella funcziunescha era sch'il provediment cun forza electrica sur las raits normalas è interrut. Bun 60'000 utilisadras ed utilisaders èn colliads en Svizra cun Polycom. En il Grischun bun 2600. En tut quintan la Confederaziun ed ils chantuns cun custs totals da passa ina milliarda francs.
L'entira infrastructura da Polycom duai esser sin il nov stan il 2025. L'entir project aveva cumenzà il 2017, dapi lura hai dà divers retards e problems, per exempel en connex cun la teamtica da segirtad da l'entir sistem.
Or da l'archiv
Er en il Grischun datti antennas da func gia existentas ubain planisadas. Ina da quellas datti vid la tur da la basa da traffic a San Bernardino ch'è vegnida sanada.
