Siglir tar il cuntegn

Header

cuntegn

Pon betg avrir ils 11 da matg Nagina chapientscha tar zoos e parcs d'animals

Ils zoos e parcs d'animals sco er curtins botanics en Svizra na chapeschan betg che museums pon avrir ils 11 da matg ed els betg. Quai malgrà in sumegliant dumber da visitaders. Cuntrari als museums sajan ils visitaders da curtins zoologics e parcs d'animals per gronda part en il liber nua ch'il ristg dad in'infecziun saja pli pitschen ch'endadens, scriva l'uniun zooschweiz/zoosuisse.

Quest tractament inegual saja inacceptabel. Mintg'emna perdian ils zoos en Svizra radund 2,5 milliuns francs. Annunziar lavur curta na possian els er betg perquai ch'ils animals ston vegnir tgirads vinavant. L'uniun spetga dal Cussegl federal ch'era els pon avrir ils 11 da matg. Lur concept da segirezza hajan els gia inoltrà.

Ord l'archiv:

video
L'enviern en il zoo
Or da Minisguard dals 28.01.2017.
laschar ir

RTR novitads 09:00

Artitgels legids il pli savens

Ir a sanester Ir a dretg