52% da las votantas e dals votants svizzers èn per in’avischinaziun da la Svizra a l’Allianza da defensiun NATO. Quai mussa la retschertga davart la segirezza da la Svizra da l'academia da militar e dal center per studis da segirezza a l'ETH. Publitgà il studi ha il Departament federal da defensiun, protecziun da la populaziun e sport. L’approvaziun per in avischinaziun a la NATO saja cunquai sin in livel da record. Il schaner 2021 èn anc 45% s’exprimids per quella.
Il consentiment ad in’adesiun svizra a la NATO saja er en cumparegliaziun cun auters onns pli gronda. Tenor il studi represchentativ sustegna cun 27% dentant be ina minoritad da las votantas e dals votants.
Tenuta pli positiva envers l'armada
Era mussa il rapport che la tenuta envers l’armada è daventada pli positiva. Uschia è era s'augmentà il dumber da las persunas che pensan ch'i vegn pajà memia pauc per l’armada – quai per 12% sin 19%. Gist sutsur sa mussa la cifra tar la tenuta ch'i vegnia dà or memia bler per l’armada. Quella è sa diminuida per 12% ed è uss tar 30%. La pli bassa procentuala dapi ch'i vegn evaluà.
