Siglir tar il cuntegn

Header

Vin
Legenda: Keystone
cuntegn

Populaziun Svizra Bavì damain vin il 2020

La populaziun svizra ha bavì l'onn passà 15 milliuns liters vin pli pauc. Quai correspunda èn 6% damain ch'il 2019. S'augmentà è percunter il consum da vin svizzer.

Il 2020 ha la populaziun svizra bavì en total 240 milliuns liters vin, ha communitgà l'Uffizi federal d'agricultura la gievgia. Quai correspundia ad in ferm regress. Il consum da vin alv è sa reducì per 6,5%, quel da vin cotschen per 5,6%. Sulettamain vin stgimant è vegnì bavì dapli.

Il motiv per quest regress è tenor l'Uffizi federal d'agricultura tranter auter la pandemia da corona - vul dir ils restaurants serrads. Profità da quai han ils detaglists.

Dapli vin svizzer

Creschì è dentant il consum da vins svizzers. concret ha la populaziun bavì 85'000 liters dapli vin alv svizzer e 260'000 liters vin cotschen. La part dal martgà dal vin svizzer è s'augmentada per 2,5% sin 39,%. Igl è gia il quart onn en roda ch'il consum da vin svizzer crescha.

Il consum da vin or dal exteriur è percunter sa reducì per 15,4 milliuns liters. Concret: 9,6 milliuns tar il vin cotschen e 5,8 milliuns tar il vin alv.

audio
Per tadlar curt e cumpact
00:49 min, Actualitad dals 29.04.2021.
laschar ir. Durada: 00:49 minutas.

RTR Novitads 12:00

Artitgels legids il pli savens

Scrollar a sanestra Scrollar a dretga