Siglir tar il cuntegn

Header

cuntegn

Populaziun svizra en muntagna Ils Grischuns il 2050 – in pievel da senioras e seniors

La populaziun en las regiuns muntagnardas da la Svizra è creschida dal 2010 fin il 2018 per 130'000 persunas sin 2,1 milliuns. La repartiziun è dentant fitg ineguala.

Malgrà che la populaziun è creschida en total, stagnescha u sa sminuescha ella en tschertas regiuns. Da quai èn cunzunt pertutgadas las Alps centralas, las valladas periferas en il Grischun ed il Tessin sco er parts dal Giura. Quai rapporta l'Agentura da novitads Keystone-SDA. Els sa basan sin infurmaziuns da la Gruppa svizra per las regiuns da muntogna.

Grischun 2050: 2/3 sur 65 onns

Las persunas pli veglias restan, las persunas pli giuvnas bandunan la regiun. Uschia creschia er la vegliadetgna media en las regiuns da muntogna pli spert vegn ch'en ulteriurs territoris. La cumpart da las persunas sur 64 onns è creschida tranter il 2010 ed il 2018 sin 33%.

Tenor prognosas pudess questa cumpart crescher fin l'onn 2050 sin 53%. Per il Grischun ed il Tessin quintan ils statistichers schizunt che bunamain dus terzs da la populaziun è l'onn 2050 sur 65 onns vegls.

audio
Curt & concis – las previstas per las regiuns muntagnardas
ord Actualitad dals 07.07.2020.
laschar ir. Durada: 1 minuta 21 Secundas.

RTR novitads 17:00

Artitgels legids il pli savens