Siglir tar il cuntegn
Inhalt

Svizra Populaziun vesa fake news sco privel per democrazia

Quatter da tschintg persunas vesan fake news sco nov privel per la democrazia. Quai mussa ina retschertga da Sotomo. Ina pluralitad è dentant er da l'avis che quai pudess vegnir evità cun agid da scolaziun.

Telefonin cun apps.
Legenda: Tenor ina retschertga è la populaziun persvasa che nunvardads tar debattas politicas èn vegnidas pli impurtantas. Favurisà vegn questa derasaziun nuncontrollada da fake news en las medias socialas (maletg da simbol). Keystone

Per la gronda part dals Svizzers e las Svizras è il culpaivel chattà – numnadamain l'internet. Uschia vesan 74% da las persunas dumandadas che la cumpart da fake news èn las medias classicas saja s'augmentà dapi ch'i dat l’internet. Mintga segund inditgescha dentant era che politicras e politichers dian pli giagliard manzegnas.

Tgi è responsabel?

Tenor la populaziun èsi impurtant che medias dal dretg public guardan da limitar infurmaziuns falladas. Dapli che mintga segund (54%) vesa las medias dal dretg public sco «instituziun da vardad». 44% èn da l'avis ch'il stadi sto far frunt a fake news. Be mintga terz vesa ch'era medias privats èn obligadas da sa metter cunter quest svilup.

RR novitads 11:00