In incendi grond ha destruì 10 bartgas e donnegià pliras ulteriuras en il port da bartgas a vela a Lachen en il chantun Sviz. Radund 100 pumpiers sajan stads en acziun. Suenter bun duas uras hajan els gì sut controlla las flommas. Quai han communitgà las autoritads localas.
Donn da passa in milliun francs
Il fieu saja rut or curt suenter mesanotg. Cura ch'ils pumpiers èn arrivads al port eran gia pliras bartgas en flomma. Els hajan lura spert pudì evitar ch'il fieu sa derasia anc dapli. Daco ch’il fieu è rut or, na saja anc betg enconuschent. Persunas na sajan betg vegnidas blessadas. Il donn material muntia probabel a passa in milliun francs.