Dus projects grischuns pon sperar da gudagnar il Prix Montagne 2023, quai scriva l'organisaziun en ina communicaziun. Il premi naziunal undrescha projects ch'èn buns exempels per la varietad economica en il territori muntagnard. Nominà per il premi è dal Grischun l'uniun Polo Poschiavo che s'engascha per in futur persistent da la vallada. Ed era sin la glista è la filantaria Vetsch da Pragg-Jenaz, in manaschi da famiglia cun en tut otg emploiads, tuts or dal vitg sez. Nominads èn totalmain sis projects.
Tgi che survegn il Prix Montagne, ed il premi dal public Prix Montagne vegn lura dà enconuschent l'entschatta settember. Per Bernhard Russi èsi l'ultima premiaziun sco president. El surdat quest di uffizialmain ses uffizi a Dario Cologna.
Or da l'archiv:
