Siglir tar il cuntegn

Header

cuntegn

Posiziun dal Cussegl federal Parmelin e Keller-Sutter èn satisfatgs dals resultats

Suenter ils dus clers resultats en las votaziuns federalas han il cusseglier Federal, Guy Parmelin, e la cussegliera federala, Karin Keller-Sutter prendì posiziun davant las medias.

Parmelin: «Il sistem funcziunescha adequat»

57% da la populaziun e 18,5 dals chantuns han ditg NA a l'iniziativa per dapli abitaziun pajablas. Tenor Guy Parmelin mussa quai, ch'il martgà d'abitaziuns funcziunescha en Svizra en general bain. La votaziun mussia dentant era, ch'i dettia problems en tschertas regiuns. I saja uss dad analisar ils resultats en detagl e guardar ensemen cun ils chantuns e las vischnancas, nua ch'i dovria mesiras e tgeninas.

video
Parmelin:«Tenor la votaziun datti problems en tschertas regiuns»
Or da News-Clip dals 09.02.2020.
laschar ir

Keller-Sutter: «Nagin che s'exprima cun respect, sto avair tema da la lescha»

Il scumond da discriminar pervia da l'orientaziun sexuala han 63% dals Svizzers e las Svizras ditg GEA. Per la cussegliera federala Karin Keller-Sutter mussa il resultat, ch'ina gronda part dals votants vul proteger ina gruppa ch'è periclitada en spezial. Las dretgiras hajan enfin uss fatg diever prudentamain da l'artitgel cunter la discriminaziun. Ella saja persvasa, che quai vegnia er a restar en futur uschia. Per consequenza na stoppia er nagin avair tema che s'exprimia cun respect.

video
Keller-Sutter: «Nagin plaz per odi e discriminaziun en Svizra»
Or da News-Clip dals 09.02.2020.
laschar ir

Davant las medias ha Keller-Sutter anc ina giada accentuà quant impurtant ch'i saja per ella da proteger quella gruppa. Il medem mument saja dentant er impurtant che libertad d'opiniun restia.

Il Cussegl federal vegn uss ad examinar a partir da cura ch'il nov artitgel dal dretg penal po entrar en vigur. Tenor Keller-Sutter pudess quai gia esser il 1. da fanadur 2020 il cas.

RTR novitads 17:00

Artitgels legids il pli savens

Scrollar a sanestra Scrollar a dretga