Siglir tar il cuntegn

Header

cuntegn

Svizra Possessurs dad immobiglias duain far pli paucs debits

Quai vul la cumissiun d’economia e taxas dal Cussegl dals chantuns. Cuntanscher vulan els quai cun ina midada dal sistem da taglia.

Dad ina vart vul la cumissiun dal Cussegl dals chantuns adattar la situaziun per ils possessurs d'in atgna chasa. Els pajan pel mument in taglia da la valur da l'atgna locaziun. Quel dess vegnir abolì – là è la cumissiun perina. Percunter na dessan ils proprietaris betg pli pudair trair giu tscherts custs da la taglia. Tgenins exact, quai n'ha la cumissiun anc betg decidì.

Da l'autra vart vul la cumissiun franar ch'ils debits privats creschan vinavant uschè ferm. Per adattar quai, han els lavurà ora tschintg variantas. Oz profiteschan oravant persunas che possedan ina chasa e han autas ipotecas.

Per possessuras e possessurs da chasa cun paucs debits èsi ina buna novitad, per quels tgi han auts debits ina nauscha. Quels stessan pajar in avegnir dapli impostas. Cun quels midaments vul la cumissiun dal Cussegl dals chantuns reducir ils debits privats. La proposta dad ella va uss en consultaziun.

RR Actualitad 12:00

Artitgels legids il pli savens