A partir da l’onn che vegn sa midan las taxas per radio e televisiun, uschia han ils tegnairchasas da pajar per onn 365 francs. Ils quints na vegnan betg pli da la Billag, mabain da l’interpresa Serafe. Cunquai che la taxa vegn messa a quint mo ina giada l'onn, datti durant l'emprim onn ina schliaziun transitorica.
Per pudair elavurar ils quints sur l’entir onn vegn la populaziun partida en 12 gruppas. Tenor l’Uffizi federal da communicaziun survegn alura mintga gruppa in quint per l'entir onn en in mais. Las bleras chasadas survegnan uschia l’auter onn dus quints, in per exempel l’avust, ed in uss l’entschatta da l’onn per il schaner fin l’avust, scriva il Bakom.
RR novitads 14:00