Siglir tar il cuntegn
cuntegn

Svizra Posta dastga midar uffizi postal en agentura

La Posta dastga serrar u midar in uffizi en in'agentura. Il Tribunal administrativ federal ha decis en connex cun in uffizi en il Tessin che questa decisiun na dastga betg vegnir contestada giuridicamain.

Uffizi postal.
Legenda: Il Tribunal federal ha decidì che la Posta dastga midar in uffizi postal en in'agentura. Keystone

Perquai che la vischnanca da Balerna e la Posta n'avevan chattà nagina schliaziun è la vischnanca s'adrizzada a la cumissiun da la Posta PostCom. Quella è vegnida a la conclusiun, che la Posta haja decis correct cun transfurmar l'uffizi postal en in'agentura. Sinaquai ha la vischnanca tratg vinavant il cas, dentant senza success. Il Tribunal administrativ federal n'è betg entrà en il recurs, sco legibel en sia sentenzia publitgada gievgia. La dretgira ha decidì che la Posta dastga sin basa da l'urden da Posta decider definitivamain davart la serrada u la dischlocaziun d'in uffizi postal.

Critica dal sindicat vers sentenzia

Il sindicat Syndicom crititgescha la sentenzia e ch'i vegna adina puspè annunzià da serrar u la fin final er serrà uffizis postals. Quai succedia malgrà che la cussegliera federal Doris Leuthard haja empermess il december, ch'i na vegnia betg serrà in uffizi postal cunter la voluntad da la vischnanca pertutgada.

La sentenzia dal Tribunal administrativ federal n'è anc betg legalmain valaivel. Ins anc far recurs al Tribunal federal.

RR novitads 14:00