Siglir tar il cuntegn

Header

Navigaziun

Laptop cun in carnet da vuschar daspera
Legenda: Per las votaziuns dals 19 da matg na stat il sistem dad e-voting da la Posta betg a disposiziun. Keystone
cuntegn

Svizra Posta fraina sistem dad e-voting

Per las votaziuns dals 19 da matg na stat il sistem dad e-voting da la Posta betg a disposiziun.

La raschun sajan sbagls critics che sajan cumparids en il rom d'in test public tras hackers. Quai han annunzià la Chanzlia federala e la Posta svizra. Il sbagl che è vegnì constatà pertutga la pussaivladad per ils votants da controllar sch’il sistem ha registrà correctamain lur vusch. Quai saja ina cumponenta-clav dal sistem, hai num en la communicaziun.

Spetgar giu l'analisa

Il sistem dad e-voting da la Posta dovran fin uss ils chantuns Basilea-Citad, Friburg, Neuchâtel e Turgovia. Betg pertutgà è il sistem dad e-voting ch'il chantun Genevra metta a disposiziun. Per il project dad e-voting dal Grischun muntia quai da spetgar giu l'analisa che la Chanzlia federala fa anc, uschia la chanzlia chantunala.

RR novitads 14:00