Siglir tar il cuntegn

Header

Auto da posta Carpostal.
Legenda: Keystone
cuntegn

Posta svizra CarPostal vegn en mauns franzos

La Posta svizra po definitivamain vender sia societad affiliada da l'Auto da Posta en Frantscha. L'autoritad da concurrenza franzosa ha approvà la vendita da CarPostal.

Tenor ina communicaziun surpiglia la Keolis AG tut ils vehichels ed ils 1'200 emploiads. Keolis è ina societad affiliada da la viafier statala franzosa SNCF. Questa vendita munta per la Posta svizra probabel ina sperdita da 19 milliuns francs.

Fauss quints er en l'exteriur

La Posta aveva gia annunzià il matg da vulair vender la CarPostal France. La stad 2018 eri vegnì enconuschent che la Posta n'haja er betg fatg giu quint schuber en l'exteriur. Pervia da subvenziuns betg lubidas aveva la CarPostal France stuì sa cumprar libra cun passa sis milliuns euros.

La Posta svizra è stada activa en il traffic da persunas en Frantscha dapi il 2004.

RR novitads 18:00