Siglir tar il cuntegn

Header

cuntegn

Svizra Posta Svizra: la fidanza da collavuraturs è donnegiada

L'affera enturn l'AutoDaPosta SA lascha enavos fastizs en la retschertga da persunal.

Las discussiuns che han lieu dapi il favrer en connex cun las cudeschaziuns illegalas da la auto da posta SA e las restructuraziuns en differents secturs laschan enavos fastizs tar ils emploiads da la posta svizra. A quella conclusiun vegn la retschertga da persunal annuala dal concern mellen.

La confidenza dals emploiads en la lavur da la direcziun da la Posta Svizra saja ida enavos cumpareglià cun l'onn avant, constatescha la scheffa dal persunal, Valérie Schenker. Cunzunt tar las collavuraturas ed ils collavuraturs ch'èn pertutgads da las numerusas mesiras da reorganisaziun, per exempel tar l'AutoDaPosta SA u tar la Post Finance, sentia ins quai.

Uschiglio mussia la retschertga, a la quala passa 3/4 dals 45'000 emploiads èn sa participads, che la Posta saja vinavant in'interpresa interessanta. L’engaschi saja bain levet pli bass che l’onn avant, dentant vinavant sin in nivel aut. Il medem valia per la cuntentientscha dals emploiads.

RR novitads 12:00

Artitgels legids il pli savens