Siglir tar il cuntegn
Inhalt

Svizra Posta svizra: Moratori da pretschs fin il 2017

Il trametter brevs da posta A e B na vegn ad interim betg pli char en Svizra.

Chascha da brevs.
Legenda: La Posta n'auza il mument betg ils pretschs per brevs. Keystone

A quai èn sa cunvegnids il survegliader dals pretschs e la Posta svizra. Il moratori da pretschs dal 2014 è vegnì prolungà fin la fin dal 2017.

Il survegliader dals pretschs è era sa cunvegnì cun la posta ad in pachet da mesiras da 10 fin 12 milliuns francs en favur dals clients.

Tranter auter custa ina marca postala per sms 20 raps pli pauc che fin ussa, pia tuttina bler sco ina marca normala. Plinavant na valan brevs grossas betg pli sco pachets en il futur.

Ultra da quai trametta la Posta fin la fin dal 2017 ina carta cun duas marcas gratuitas a mintga chasada en Svizra.

RR novitads 12:00