Siglir tar il cuntegn

Header

Il center da pacs da la Posta svizra a Daillens.
Legenda: Il transport da pacs succeda ozendi era en Svizra en grondas dimensiuns. Keystone
cuntegn

Svizra Posta svizra: Tants pachets sco anc mai

Cun 115 milliuns pachets è il dumber dals pachets che la Posta svizra ha transportà l’onn passà creschì per 3%, cumpareglià cun l'onn avant.

Cun 97,5% è la punctualitad tar ils pachets stada auta, communitgescha la Posta. Tar las brevs è la posta medemamain stada punctuala. 98% da las brevs posta A e 99% da la posta B èn arrivadas entaifer il temp empermess. En tut ha la posta transportà il 2015 radund 2,2 milliardas brevs adressadas.

Autas pretensiuns envers la Posta

La punctualitad da la Posta svizra surpassa uschia las pretensiuns da l’ordinaziun da posta. Quella pretenda che 97% da las brevs e 95% dals pachets entaifer la Svizra arrivan ad uras. En cumparegliaziun cun ils auters pajais europeics èn quai las valurs las pli autas ch’èn perscrittas.

Dapli pacs pretendan investiziuns

La Posta svizra quinta ch’il commerzi online s’augmenta ils proxims per 1 fin 2%. Per pudair garantir la punctualitad sut questas circumstanzas, investescha la Posta en ses centers da pachets. Cun var 60 milliuns francs vul ella augmentar las capacitads da sortir pachets per in quart.

RR Novitads 12:00

sda/ba

Artitgels legì il pli savens

Nach links scrollen Nach rechts scrollen