Siglir tar il cuntegn

Header

cuntegn

PostCom Posta Svizra resta punctuala

3,2 milliardas brevs e pachets han la Posta Svizra ed ils auters spediturs transportà l'onn passà.

Quai èn 4,2% pli pauc che l'onn avant, scriva la PostCom, la Cumissiun da posta federala en ses rapport annual.

Bain saja il dumber da pachets danovamain creschì (+4,8%). Quai augment n’haja dentant betg pudì cumpensar la digren tar las brevs (-4,6%) e tar las gasettas e revistas (-5%).

Controllà ha la PostCom era la prestaziun da la Posta Svizra en il sectur dal provediment da basa. Qua adempleschia lezza tut ils criteris. 98% da tuttas brevs da posta sa tschentian il proxim di en chascha da brevs. Tar ils pachets è quai tar 95% il cas.

Grafica cun il svilup dals puncts d’access da la Posta Svizra en il Grischun
Legenda: Svilup dals puncts d’access da la Posta Svizra en il Grischun En il Grischun ha la Posta Svizra reducì il dumber d'uffizis da posta ed ha persuenter augmentà il dumber da filialas cun partenaris. Il 2020 datti 316 puncts d'access, quai èn 39 dapli che avant 10 onns. RTR Grafica

Dapli agenturas che uffizis

Ina midada datti tar il dumber dals uschenumnads puncts d'access da la posta. Per l’emprima giada datti dapli agenturas postalas (1'136) che uffizis postals (981) en Svizra. Sut il stritg hai dà la fin da l’onn passà 22 puncts d'access pli pauc.

Artitgels legids il pli savens

Ir a sanester Ir a dretg