Siglir tar il cuntegn
cuntegn

Svizra Postfinance augmentan fermamain pretschs

La Postfinance augmenta marcantamain ils pretschs per ses clients. Fin uss n'han clients privats stuì pajar nagut per manar lur conto. Davent da l'auter onn custa quai 5 francs il mais.

Purtret d'in spurtegl da la Postfinance.
Legenda: La Postfinance augmenta marcantamain ils pretschs per tscherts servetschs. Keystone

Sco quai che Postfinance communitgescha vegn questa taxa betg incassada tar clients che han investì almain 25'000 francs en products da la Postfinance, u che han fatg in'ipoteca u che han fatg in'assicuranza da vita tar Postfinance.

Er custs per extracts da conto

Er per extracts da conto sin palpiri fa l'institut pajar davent da l'auter onn 1 franc per mais. Infurmaziuns davart il saldo via telefon u al spurtegl, senza carta da Postfinance custan en futur 4 francs. Clients da fatschenta pajan nov 30 francs ad onn per carta da banca.

La banca argumentescha l'augment dals pretschs cun l'ambient grev regulatoric ed economic. Ils tschains che sajan gia dapi onns fitg bass ed il scumond da credits hajan lascha erodar la marscha da tschains da la Postfinance, hai gì num en la communicaziun. Perquai pretenda la banca a partir dal 1 da schaner 2019 pretschs usitads en la branscha per tscherts products e servetschs.

RR novitads 11:00