La Finma ha survegnì raschun avant il tribunal administrativ federal. Uss sto la Postfinance augmentar ses agens meds.
En cumparegliaziun cun las ristgas che la Postfinance ha pervia da sias fatschentas n'haja ella betg avunda daners. En in'emprima ordinaziun ha la Finma pretendì d'augmentar ils agens meds per passa 270 milliuns francs. La summa concreta n'è betg publica.
Dispita giuridica
La Postfinance aveva dentant refusà quai ed è ida avant dretgira. Ella ha pretendì che la Finma haja calculà fauss ils basegns dals agens meds, e n'haja betg resguardà standards internaziunals. Il Tribunal federal administrativ n'è dentant betg suandà a quella argumentaziun.