Siglir tar il cuntegn

Header

cuntegn

Svizra Postfinance stritga definitivamain 500 plazzas cumplainas

Er suenter che la procedura da consultaziun è terminada, sa tegna l'interpresa vi da la reducziun da plazzas per il 2019. Quai ha communitgà Postfinance.

I haja bain dà numerusas bunas ideas. Naginas da quellas na possian però remplazzar las mesiras planisadas.

Gia il zercladur aveva la partiziun da finanzas da la Posta Svizra argumentà ch'ella stoppia stritgar 500 plazzas cumplainas pervi da la digitalisaziun e l'automatisaziun da process.

Ultra da quai vul Postfinance organisar da nov la cussegliaziun da clients privats e da fatschenta. A medem temp duajan er novas plazzas vegnir stgaffidas.

Plan social per pertutgads

Per ils collavuraturs pertutgads dettia in plan social. Nua pussaivel duaja la reducziun vegnir realisada grazia a la fluctuaziun natirala. Il sindicat Syndicom crititgescha ils plans da Postfinance. Damai ch'ils meds finanzials sajan avant maun, avessi dà meglras pussaivladads, scriva il sindicat. A moda pli positiva valitescha l'associaziun dal persunal Transfair il plan social da Postfinance.

RR novitads 12:00

Artitgels legids il pli savens