Siglir tar il cuntegn

Svizra Postfinance stritga fin 500 plazzas

Fin l'onn 2020 vul la partiziun da finanzas da la Posta stritgar 500 plazzas cumplainas. Il motiv: adina dapli automatisaziun e la digitalisaziun da process.

t-shirt da hockey mellen cun l'inscripziun «postfinance»
Legenda: Postfinance è er sponsur dal Top scorer da la liga naziunala dal hockey. Keystone

Cun questas mesiras vul la banca tenor atgnas indicaziuns intervegnir cunter las reducziuns da las entradas e da las marschas. Il medem mument vegna la cussegliaziun da clients privats e da fatschenta tschentads si da nov.

Radund dus terzs da las plazzas stritgadas duain vegnir cuvertas entras la fluctuaziun natirala. En diversas spartas saja dentant necessari ina procedura da consultaziun, communitgescha Postfinance. Parallel cun stritgar plazzas vegnia er stgaffì novas plazzas.

L'avust vegn decidì definitivamain, sche ed en tge dimensiun che las mesiras planisadas vegnan er realisadas.

RR novitads 11:00