Siglir tar il cuntegn

Header

cuntegn

Svizra Povradad en Svizra extrema sut la media europeica

En Svizra munta la povradad extrema a 1,5% ed è cun questa quota extrem lunsch sut la media da l'Uniun europeica ch'è sin 6,2%. Las cifras derivan da Eurostat – l'uffizi da statistica da l'Uniun europeica.

Dapi il 2012 saja la quota da povradad extrema sbassada en la UE cuntinuadamain – da lura 9,9% sin oz 6,2%. En Svizra creschia la quota da dischoccupaziun dapi il 2014 mintg'onn per circa 0,1 puncts procentuals. Questas cifras da l'uffizi per statistica europeic mussan il medem trend sco las cifras da l'uffizi per statistica federal.

Tge munta povradad extrema?

Avrir la box Serrar la box

Sche insatgi na po betg sa prestar almain quatter da las suandantas chaussas, lura è quella persuna pertutgada da povradad extrema.

  • pajar quints
  • stgaudar
  • surpigliar custs nunspetgads
  • mangiar regularmain charn, pesch u in cumparegliabel menu vegetar
  • in'emna vacanzas ord chasa
  • televisiun
  • maschina da lavar
  • auto
  • telefon

Tenor quests criteris definescha Eurostat povradad extrema.

Sulet la Svezia ed il Luxemburg han ina quota da povradad extrema pli bassa che la Svizra. Pertutgà il pli fitg da povradad extrema è la Bulgaria. Là è mintga 5avla persuna extremamain povra.

Il pli pertutgads da viver en povradad extrema èn persunas singulas e tegnairchasas cun be in genitur cun uffants minorens. Quai vala tant per l'Europa sco er per la Svizra.

RR novitads 10:00

Artitgels legids il pli savens