La presidenta da la PPS dal chantun Vad, Fabienne Despot, po candidar tar las elecziuns naziunalas malgrà in'affera da tadlar zuppadamain. La radunanza da partida ha decis che Despot restia tant candidata per il Cussegl naziunal sco era per il Cussegl dals chantuns.
Ultra da quai ha la PPS dal chantun Vad confermà Despot sco presidenta da partida: quai dentant pli stretg cun 72 cunter 66 vuschs. L'avrigl 2014 aveva Fabienne Despot registrà zuppadamain in discurs cun auters suprastants da la partida.
RR novitads 07:00
sda/gc