Siglir tar il cuntegn
cuntegn

Svizra PPS grischuna cun strategia da ristga

La strategia da la PPS grischuna da candidar cun Magdalena Martullo-Blocher na saja nagina garanzia da success. Quai di il professer per scienzas politicas da Son Gagl, Patrick Emmenegger. La retschertga da RTR mussia ch’il num enconuschent da Martullo-Blocher na saja betg uschè ferm sco spetgà.

Magdalena Martullo-Blocher.
Legenda: Il num enconuschent da Martullo-Blocher n'è betg uschè ferm sco spetgà. RTR, R. Müller

Gronda attenziun – dentant nagina experientscha politica

Martullo-Blocher saja bain ina candidata che giaudia gronda attenziun. Da l’autra vart n’haja ella dentant insumma nagina experientscha politica. Blers votants hajan dapli fidanza en candidats che hajan fatg politica sin plaun communal e chantunal.

Ina retschertga è ina retschertga

Patrick Emmenegger suttastritga ch’ina retschertga na saja betg in’elecziun. Tuttina dettia ina retschertga inqual indizi en tge direcziun ch’i pudess ir la dumengia d’elecziuns.