La Chanzlia federala haja examinà e lubì l’iniziativa, ha declerà Rösti. Mez schaner 2018 cumenzia la Partida populara svizra PPS a rimnar las suttascripziuns per l’iniziativa. Il cusseglier naziunal dal chantun Berna ha rinforzà che l'immigraziun en Svizra stoppia vegnir limitada. Mintg'onn 80'000 immigrants sajan memia blers.
La clausula da «guillotina»
Concret pretenda l’iniziativa ch’il Cussegl federal negozieschia cun l’Uniun europeica davart la visada da la cunvegna davart la libra circulaziun cun l’Uniun europeica entaifer in onn. Sche quai na gartegia betg, duaja il Cussegl federal visar la cunvegna entaifer in mais.
Per cas ch’il suveran svizzer schess gea a l’urna, scadessan er tut las ulteriuras cunvegnas bilateralas cun l’UE. Quai è la consequenza da la clausula da «guillotina» da las cunvegnas bilateralas 1.
RR novitads 06:00