Siglir tar il cuntegn
cuntegn

Svizra PPS Tessin lascha ir ses pledader

La PPS dal Tessin è sa separada da ses pledader Corrado Galimberti. Galimberti aveva postà sin Facebook commentaris rassistics en connex cun la creschientscha demografica en l'Uganda.

In ballun cun il logo da la PPS.
Legenda: Suenter in'unda da gritta aveva Galimberti adattà levamain ses commentari da Facebook. Keystone

Avant la decisiun haja la suprastanza tadlà Galimberti. Suenter ina discussiun interna è la PPS dal Tessin sa decidida da sa separar dal pledader.

Nagin plaz per extremists

La partida na partia insumma betg l'opiniun da Galimberti. Ina tala posiziun d'in funcziunari na saja betg tolerabla. Extremists che na resguardian betg las reglas da la democrazia n'acceptia la PPS betg.

RR novitads 06:00