Siglir tar il cuntegn

Header

La fracziun da la PPS en il Cussegl naziunal.
Legenda: La fracziun da la PPS en il Cussegl naziunal. Keystone
cuntegn

Svizra PPS – Trais candidats per presidi da fracziun

Sco successur dad Adrian Amstutz candideschan Thomas Aeschi, Werner Salzmann ed Alfred Heer.

Per il presidi da fracziun da la PPS en Chasa federala datti trais candidats. Dasper Thomas Aeschi da Zug candideschan er il Bernais Werner Salzmann ed il Turitgais Alfred Heer. Tuts trais candidats èn cussegliers naziunals.

Alfred Heer politisescha dapi pli che 20onns per la PPS dal chantun Turitg. Davent dal 2009 fin il 2016 ha el presidià la partida chantunala e dapi il 2007 sesa el en il Cussegl naziunal. Heer è president da la cumissiun da gestiun e president da la delegaziun tar il Cussegl da l'Europa.

Thomas Aeschi sesa dapi il 2011 en il Cussegl naziunal. L'econom è commember da la cumissiun per economia e taxas WAK e da la cumissiun da finanzas. Il 2015 aveva el candidà per la successiun da la cussegliera federala Eveline Widmer-Schlumpf.

Tgi che succeda definitivamain ad Adrian Amstutz, decida la fracziun ils 17 da november. Amstutz aveva annunzià mez october da sa retrair sco schef da fracziun. Quai suenter tschintg onns en uffizi.

RR novitads 06:00

Artitgels legids il pli savens