A Gossau (SG) ha il president da la Partida populara Svizra (PPS), Albert Rösti, avertì las delegadas ed ils delegads d'avugadia. Sco avant 27 onns cun il na a l'EWR stettia la Svizra avant in onn d'elecziun decisiv, di Rösti. Ils proxims 4 onns vegnia a sa decider, sche la Svizra fetschia enclin da l'Uniun europeica (UE). I saja il pensum da la PPS da proteger la Svizra da la cunvegna da basa monstrusa e nunduvrabla, uschia Rösti. La cunvegna da basa saja unilaterala en favur da l'UE. Il cusseglier naziunal da Turitg Roger Köppel fa valair che la Svizra stoppia surpigliar leschas da l'UE.
Ils radund 370 delegads e delegadas han deliberà il program da partida per ils proxims 4 onns. Tenor il cusseglier naziunal da la Sutsilvania Peter Keller saja il nov program però il vegl. I na dettia nagina PPS avant ed in'autra suenter las elecziuns.
RR novitads 12:00