Siglir tar il cuntegn

Header

Navigaziun

cuntegn

Svizra PPS vul restar pli ferma partida

Las finamiras èn cleras: Restar la pli ferma forza politica en Svizra. Cun questa devisa ha il president da la PPS Svizra, Albert Rösti, lantschà oz il cumbat electoral.

Il maletg mussa il president da la PPS Albert Rösti cun in sulegl sco mascot
Legenda: Il sulegl na dastga betg mancar tar la campagna electorala da la PPS. Keystone

Restar uschè ferma sco enfin ussa munta che la PPS sto cuntanscher 29.4% da las electuras ed electurs en Svizra.

Per ils sezs en il parlament federal munta quai:

  • defender ils 65 mandats en il Cussegl naziunal
  • augmentar ils mandats en il Cussegl dals chantuns da 5 sin 6

Tematicamain resta la PPS fidaivla a ses focus: Controllar l'immigraziun, distgargiar la classa mesauna e restar independent da l'Uniun europeica – quai sajan temas che muventian la populaziun, han ils strategs da la partida accentuà oz a la lantschada da la campagna.

Las elecziuns da Cussegl naziunal e dal Cussegl dals chantuns èn ils 20 d'october.

RR novitads 17.00