L'um vegn inculpà d'avair violà il secret da fatschenta e da banca e d'avair lavà daners suspectus. L'accusà da 45 onns duai avair vendì datas dad almain 233 clients al stadi Nordrhein-Westfalen. La summa dal delict munta a 1,45 milliuns euros.
Sper ils quatter onns praschun duai l'accusà er pajar in chasti pecuniar 60 taxas per di e surpigliar ils custs da la procedura. Lezs custs muntan a radund 68'000 francs.
RR novitads 12:00
