Siglir tar il cuntegn

Header

Navigaziun

logo ubs.
Legenda: Keystone
cuntegn

Svizra Praschun per anterur emploià da UBS

La procura publica federala vul pretenda quatter onns praschun per l'anteriur emploià da la banca UBS. La raschun è ch'el haja engulà datas da clients e vendì quellas ad autoritads da la Germania. Il cas vegn tractà dal tribunal federal penal a Bellinzona.

L'um vegn inculpà d'avair violà il secret da fatschenta e da banca e d'avair lavà daners suspectus. L'accusà da 45 onns duai avair vendì datas dad almain 233 clients al stadi Nordrhein-Westfalen. La summa dal delict munta a 1,45 milliuns euros.

Sper ils quatter onns praschun duai l'accusà er pajar in chasti pecuniar 60 taxas per di e surpigliar ils custs da la procedura. Lezs custs muntan a radund 68'000 francs.

RR novitads 12:00