Siglir tar il cuntegn

Svizra Premi da federalissem 2016 per Neuchâtel

Il chantun Neuchâtel vegn premià per in project che promova la bilinguitad dals uffants. Il project da furmaziun Prima survegnia il premi da federalissem 2016 ha communitgà la fundaziun svizra per la collavuraziun federala che surdat il premi.

ina magistra durant l'instrucziun da lingua
Legenda: Durant il project Prima vegn instruì per tudestg e per franzos. (maletg simbolic) Keystone

Nagin auter chantun monoling promovi uschè baud e consequent ina segunda lingua naziunala en scola argumentescha la fundaziun. En las scolas che sa participeschan al project emprendan ils uffants gia en scolina franzos e tudestg.

Davent l'emprima classa vegnan anc 15 fin 30% da las lecziuns instruidas per tudestg. Quai saja innovativ ed exemplaric, uschia scriva la fundaziun.

Actualmain èn participads al project Prima diesch scolas dal chantun Neuchâtel cun radund 30 classas e cun passa 500 scolaras e scolars. L'instrucziun partan dus magisters tenor il principi: In magister - ina lingua.

RR novitads 06:00