Legenda:
Ils victurs da las differentas categorias dal premi Milestone 2017.
mad
cuntegn
Svizra - Premi Milestone va en il Friburg
La plattafurma participativa dzin.ch gudogna quest'onn il premi Milestone en la categoria innovaziun. Sco quai ch'ils organisaturs communitgeschan ha la plattafurma persvadì la giuria perquai ch'il giast vegn en contact direct cun ils purschiders locals e promovia il turissem en la regiun.
Il model persvadia er perquai ch'el po vegnir applitgà en autras regiuns. La plattafurma dzin.ch è da la regiun da Friburg (dzin è dialect da Friburg e munta «umans»). Mintga abitant po plazzar sia atgna purschida turistica.
Il premi da turissem Milestone vegn surdà da la htr hotel revue e hotelleriesuisse. L'onn passà ha la destinaziun Arosa gudagnà il premi.
