Gronda onur per ils Fränzlis da Tschlin: Il matg era vegnì publitgà, che la furmaziun da musica populara engiadinaisa survegn il premi svizzer da musica. En il museum d'art a Basilea han els uss pudì prender encunter quest impurtant premi da l'Uffizi federal da cultura.
«Tanta tradiziun e tuttina uschè nov»
Ils Fränzlis da Tschlin: quai saja «tanta tradiziun e tuttina uschè nov», ha resumà Florian Walser da la giuria en sia laudatio cun surdar il premi als Fränzlis. En num da tuts ha engrazià Madlaina Janett. Da pudair prender encunter il premi svizzer da musica saja ina «grondischma onur» per els.
Quai fetschia Madlaina Janett numnadamain er en il num dals «veterans d'onur» Duri Janett, Men Steiner e Flurin Caviezel ed er en num da la «legenda en il secretariat», da Chatrina-Mooser Nuotclà.
Ensemen cun ils Fränzlis han 13 ulteriurs premiads survegnì il premi. Il premi principial «Grand Prix Musik 2019» è ì al duo «Cod.Act» da Le Locle.
RR novitads 12:00
